Касаба уюшмаси қўмитаси раёсат аъзолари

"Фарғона нефтни ишлаш  заводи "  МЧЖ маъмурияти  ва бирлашган  касаба уюшмаси қўмитасининг  қўшма қарорига мувофиқ,  корхона ишчи-ходимларини  фарзандларини  "ёзги таътилини намунали ўтказиш, уларнинг жисмоний ва ақлий салоҳиятларини ошириш,  вақтларини  мароқли ўтказиш, соғломлаштириш ва чиниқтириш ишларини ташкил этиш мақсадида  "Ором" спорт комплексига қарашли "Тонг"  болалар  соғломлаштириш  оромгоҳида 1200 нафар  фарзандларимизни  соғломлаштириш   режалаштирилган.  Режага  мувофиқ, биринчи  мавсумда 150 нафар  болалар  мароқли дам олмоқдалар.

         Оромгоҳда    ўтказиладиган машғулотлар  махсус  мослаштирилган режа  асосида олиб борилмоқда.  Бунда болалар кўп вақтини тоза ҳавода ўтказадиган тарзда яратилмоқда. Бунда чиниқтириш, соғломлаштириш, кўнгилочар тадбирлар болаларни жисмоний ва психик ривожланишида муҳим аҳамият касб этмоқда. Оромгоҳда фаолият юритаётган фан, бадиий ижодиёт, спорт-соғломлаштириш тўгараклари, ташкил этилаётган  фестиваллар, кўргазмалар,  спорт мусобақалари болаларнинг бўш вақтини мазмунли ўтказишида муҳим аҳамият касб этмоқда. Бундай ёзги соғломлаштириш  машғулотларини ташкил этиш келажагимиз эгаларини ақлан етук, жисмонан соғлом  бўлиб вояга етишларига замин яратади.